3ebarat sa5era

by wael Tue Aug 14, 2007 11:53 pm

عبــــــارات ســـــاخــرة

من فترة ليست بالقصيرة
ظهرت في حياتنا وسيلة مواصلات غريبة

الا وهى "السيرفيس" والتى نسميها "الميكروباصات"

ومع بداية انتشار هذه المركبات الجديدة - آنذاك بالطبع -
ظهرت فئة جديدة وطبقة غريبة من المجتمع في الشارع المصري

فئة من الناس لها عباراتها وسلوكياتها واخلاقها وتصرفاتها الغريبة

وبل اغانيها الغريبة ايضاً

فمن منا لم يسمع اغانى غريبة في هذه الميكروباصات
أغانى يسمعها لاول مرة
دون معرفة المغنى أو حتى ان يميز الكلام

طبعا كل مواطن مصري هايفهم موضوعى ده كويس جداً

ومن ضمن الحاجات الغريبة اللى قامت بإيتكارها هذه الفئة
تلك العبارات الغريبة التى تجدها مكتوبة على هذه السيارات

عبارات فعلا غريبة لا اعلم من يقوم بتأليفها
ولكنها رغم غرابتها

الا انها تجعلك تبستم لبساطتها وخفة ظلها

ولكم بضع من هذه العبارات التى لفتت نظري

أترككم مع العبارات "الساخرة"

متبصليش بعين رضية .... دنا طلع عيني في السعودية

ربنا يحميكي .... من الميكانيكي

الحلوة من حلوان .... وصاحبها راجل غلبان

الحلوة من دمياط .... ولسه عليها أقساط

دي قصة كفاح .... مش جاية على المرتاح

ما تزمروش يا بهايم .... دا السواق بتعانا نايم

يا هلفوت .... سيبنبي أفوت

دي مش جاية بالورث .... دي جاية بخلع الضرس

إللي عاوز تربية .... يشتريله عربية

يا ســلام .... لو النـاس تبطل كلام

دلعني في المطبات .... وهشكني في الغيارات

تعمل حسابي أقدرك .... تهزر معايا أعورك

الحلوة لما تتدلع .... تخلى الاسفلت يولع

ما تبحلقش كده يا لوح .... دي جت بطلوع الروووح

ما تبصش كده يا عبيط .... الحلوه دي بالتقسيط