yameyat gam3awy

by wael Fri Aug 24, 2007 1:38 am

الأثنين 19/12/2006

يا نهااااااااااااار أبيض ايه ده يا جامعاوي اللي بيحصل انت كنت في غيبوبة ولا ايه يا جامعاوي فاضل اسبوع واحد بس على الأمتحان نهارك مش فايت يا جامعاوي انت لسه فيه مواد ما فتحتهاش من اساسه ولا تعرف عنها حاجة يا وقعة مش معدية ...خلاص يا جماعة انا حاسس إن انا ضعت ..ضعت ضعت ..

لكن لأ يا جامعاوي مش انت اللي تضيع لو انت اللي تضيع يبقى مين اللي ما يضعش وكما قال الشاعر : لو ضاع جامعاوي فمن ذا الذي ليس بضائع

كل البشر ذهبوا في دهية لوضاع جامعاوي الرائع

خلاص يجب أن اعلنها عالية مدوية مذاكرة حتى الموت هو ده شعار المرحلة ......مذاكرة حتى الموت

- ياجامعااااوي ....

مين اللي بينادي من الشارع ده ..هو ده وقته ده صوت الواد سيد مستيكة.
ل
- أيوا يا سيد ...

- مش حتيجي تتفرج على الماتش عندي في البيت ولا ايه .

- لالالا ....انا ورايا مذاكرة

- يعني هو من أمتى انت بتذاكر من أساسه يا عم فكك يلا بس ماتش يفوت ولا حد يموت .

- لالا يا سيد شعار المرحلة دلوقتي مذاكرة حتى الموت ..

- مرحلة ايه ؟؟ ومذاكرة ايه؟؟ انت حر يا عم موت انت براحتك وانا رايح اتفرج على الماتش .

أي... أي ....ايه اللي بيوجعني ده ..ضميري الكروي بينغز عليا يا شباب

- طيب آآآآ...آآآ أستنى يا سيد آآآآ أنا جاي معاك

- طيب وشعار المرحلة يا فالح ؟؟؟

- ممكن أجراء تعديلات بسيطة عليه ...

- أزاي يعني يا عبقري زمانك

- ممكن نخليه مذاكرة بعد الماتش .

الثلاثاء 20/12/2006

خلاص النهاردة يوم الحسم النهاردة يوم الخلاص ..خلاص يعني خلاص .

بس طبعا لازم الشغل يكون على مية بيضا لازم جدول مذاكرة وحبة شغل كده في الأوضة أعملك جدول مذاكرة كده ..ولازم يكون حاجة محترمة بقى ...

طيب أيه رأيك يا واد يا جامعاوي تكتبه كمبيوتر وتعلقه شكله حيبقى شيك أوي ...وبعدين انت عايزلك كده تعلق كده كام ورقة علشان ترفع همتك يعني تكتب كده ورقه مكتوب عليها سبعة أمتياز إن شاء الله ...وكمان ورقة تكتب عليها الراجل العادي يبذل مجهود مش عادي ...حاجة تقوي نفسيتك على المذاكرة

يااااااااه الكمبيوتر بايظ صحيح ..خلاص أنزل أكتبه في السيبر اللي على اول الشارع

جاتلي فكرة جهنمية ..

عقبال ما أحمد فلوبي اللي شغال في السيبر يخلصلي الجدول والورق أقعد على النت ساعة كده علشان أشوف طرق المذاكرة العلمية الحديثة واتصفح المواقع النفسية اللي فيها وصفات مجربة عن الكيفية الصحيحة للمذاكرة أهو كده يبقى الشغل على مية بيضة ... وبالمرة أشيك على الأيميل يمكن في جديد ..وكمان شوية سلامات على حبايبي في الماسينجر ...

وياسلام كمان يا جامعاوي كده لو ايميلين تلاتة محبة للناس اللي بقالك كتير ما شوفتهاش ..

إلا أخبار الآي سي كيو أيه ..بيقولوا بقى يبعت ماسيدجات لموبايلات فودافون كمان يا سلام كده لو كام ماسيدج للحبايب تطلب منهم يدعولك ربنا يوفقك السنة دي ...

ويا سلام كمان يا جامعاوي لو تروح تنام علشان تصحى بكرة بدري وتذاكر من أول اليوم

by wael Fri Aug 24, 2007 1:39 am

الأربعاء 21/12/2006

الساعة 12 ظهرا

بس كده خلاص جينا للشغل الصح ...وضعنا شعار المرحلة ....وحطينا خطة خمسية كده يبقى نشتغل على مية بيضة

لكن مش عارف ليه حاسس أني تعبان ومرهق كده ومش في " المود " يمكن علشان ما فطرتش طيب أقوم أفطر وبعد كده حبقى في " المود "

الساعة 1 ظهرا

فطرت اهو يا عم الحاج ملكش حجة بقى ...لكن مش عارف ليه لسه مش في " المود " طيب ساعة كده أروح عن نفسي ما هو لازم الترويح عن النفس ده يعني هي المذاكرة حتبقى 24 ساعة ده حتى حرام وظلم وربنا ما يرضاش الظلم

الساعة 2 ظهرا ...

مفيش مشاكل كمان ساعة ترويح علشان انا حاسس أني مش في المود.

الساعة 3 عصرا ...

كمان ربع ساعة بس ترويح عن النفس........... ( تم تكراره اربع مرات )

الساعة 4 عصرا

الغدا ...أكيد الغدا هو اللي حيخليني في مود المود ....

الساعة 5 المغرب

ساعة تمشية لتصريف الغدا وبعدها ابقى في المود ....

الساعة 6 عشاءً ....

المود مش موجود

الساعة 7

مفيش مود

الساعة 9 ليلا

مفيش مود

الساعة 12 ليلا

مود يا حمار ...

الخميس 22/ 12

مصدع

الجمعة 23 / 12

زهقان

السبت 24/12

تعبان

الأحد 25/12

ورمان

الأثنين 26/12

الأمتحان

by IonFox Fri Aug 24, 2007 11:49 am

hahaha

ya lol

lol!

beyfakrny be nas kteeeeeeeeeeeeeeeer awyyyyyy Wink

by wael Fri Aug 24, 2007 11:52 am

el wad da betfakarny bya ya ion ... bs mesh aywee fy a5er youmin bazaker Very Happy

thnx ya prince .. glad u like it

by Tulip Fri Aug 24, 2007 12:11 pm

ykhrb 3a2lak ya gam3awy, hya di akhret damirak elkarawy yameyat gam3awy C_laugh

thanxxxxxx ya wael, gmda mooooooooooooot

by wael Fri Aug 24, 2007 12:54 pm

thnx ya tulip .. so glad u like it
bs ew3y te3mely zay gam3awy Very Happy

by POSY Sat Aug 25, 2007 12:40 am

فطرت
اهو يا عم الحاج ملكش حجة بقى ...لكن مش عارف ليه لسه مش في " المود " طيب
ساعة كده أروح عن نفسي ما هو لازم الترويح عن النفس ده يعني هي المذاكرة
حتبقى 24 ساعة ده حتى حرام وظلم وربنا ما يرضاش الظلم

el 7etta de to7fa

bas ana bsra7a ba3mel aktar mn keda

btewsal le teb2a na2es kam sa3a 3la el emte7an ... a3od 2a2ol nos sa3a keda haraya7 w akamel ...

ba3daha be sa3a ... tab hazaker delwa2ty ... mafesh rob3 sa3a w ya ema anam 3la nafsy walla 2a2om 2akol walla anzel 7ata lw lessa el emte7an na2eslo keteer

asli zehe2t mn el a3da f el bet Very Happy

:D

thxx ya wael ... alebt 3alena el mawage3 Sad