Ra2fat El hagas

by IonFox Sat Aug 25, 2007 7:22 pm

بعد الثورة الاحمسية الباسلة ... و بعد الاحتلال الاسرائيلي للسنغال ...بدأ التفكير في إنشاء أول جهاز مخابرات مصري بالكهرباء ...لمحاربة الخطط الإسرائيلية
و من أول الرجال الذين حملوا هذه المهمة علي عاتقهم هو ذكي جمعة "الملقب بالجزار" فقد كان قوي القوانص ذو كبدة حديدية يحب الموز وكان مفتول الكوارع
نزل ذكي جمعة " الجزار" الي ارض الواقع بالمصعد الكهروبائي للبحث عن جاسوس حلو "عنتيل " ...و فجأة , وجد شابا تتوسم فيه ذكاء السحلب المكار و تحمل الحمارو وفاء الكلب و حنان البقرة و كان سريع الفرار . فقد كان نشالا " لصا " " حرامي " اذا ما كشفه رجال الشرطة فر بسرعة و اذا مسكوه تحمل ضربهم المبرح
ذهب " الجزار" إلى هذا الرجل " وسط اعجاب الجميع " في سرية تامة
الجزار :إنت اسمك إيه يا روح خالتك ؟
الشاب : رأفت الهجاص يا سعادة البيه واسم الدلع (هشام)
الجزار : بتحب مصر يا رأفت ؟
الشاب :لا مؤاخذة يا بيه مسمعتش الاسم ده قبل كدة !
الجزار : دي البلد اللي نشلت محافظها و سرقت دكاكينها و احتسيت مخدراتها و اتسممت من نيلها
الشاب : هات من الاخر يا بيه هو فيه حد ميعرفش ( نصر) ؟
الجزار : بعد كل اللي عملتهولك البلد دي ايه رأيك تشتغل (كازوز) ؟
الشاب مستغربا : في حاجة يا بيه ؟
الجزار ( هامسا في ودن رأفت الشمال ): جاسوس يعني بس دي حركة علشان محدش يفهم
.....و هام رأفت علي وجهه و استحورقت عيناه بالدموع و تغرغرت شفتاه باللعاب واخذ يشدو النشيد الوطني قائلا:
انا بكره اسرائيل و بقولها لو اتسأل .... ان شالله أموت قتيل أو أخش المعتقل و أيييييه..
و هنا....
صفقت الجماهير (في سريه تامه) على هذه الروح الوطنيه.
و بدأت الخطه....
جهز (الجزار) بزابورت لمواطن إسرائيلي بإسم (رأفت عبده جرنديزر كوهين الهجاص).... و أعطاه مطوه قرن (طائر السنونو) للدفاع عن نفسيته و أعطاه ايضا شفرة حلاقه لفك الرموس(الرموز السريه)... كما أعطاه ريحه خمس خمسات حبر زري(سري) و تليفون لاسلكي لعبه بيغني بابا فين للتمويه... و عدد 2 شراب قطن مصري علشان يفتكر مصر....
و في لحظة الوداع... قال الجزار لرأفت (باكيا): مطوتك في جيبك.... شفرتك في بقك...ريحتك و شرابك في ودانك... مع السلامه يا روح خالتك.. مصر مش هتنساك لما تتعدم
هنا شعر رأفت بالطمأنينه لهذا الكلام و عزم على التجسس و توجه إلى الطائرة(مصر للطيران) المغادره الى تل أبيب مما يدل على شدة وطنيته...
و حينما وصل الى مطار تل ابيب... حدثت المفاجأه..
ظابط الجوازات: البسبورت بتاعك لو سمحت(بالأسرائيلي)
رأفت: اتفضل(اسرائيلي مكسر)
ظابط الجوازات (بلهجة واحد اسرائيلي شبراوي): نعم نعم يا دلعدي البزابورت ده اتسرق مني امبارح و ده كمان اسمي ..
ففكر رأفت في فكره مذهله تدل على ذكائه الفطري و قال:
والله العظيم يا بيه انا مش جاسوس ولا حاجه
" و انطلت هذه الخدعه الماكره على هذا الظابط الإسرائيلي"
- و بالفعل

by IonFox Sat Aug 25, 2007 7:23 pm

و صل رأفت الى (لوكندة الجواسيس المصريين ) في وسط البلد خلف كنتاكي تل ابيب
شوق و حنين
و بعد ان اختلى رأفت بنفسه و أخرج الشراب... تذكر مصر فشغل الراديو ليستمع إلي اذاعه(الشباب و الأعاقه ) ليستمع إلى العندليب حسن الأسمر ثم شغل التلفزيون على القمر الصناعي نايل سات ليشاهد قناته المفضلة القناه السابعة (قناة شباب الصعيض) و برنامج "كشك الموسيقى" و"سر الأرض" حينما كان يشاهدها مع اخواته المعاقين ذهنيا... فقد كانت أمه (الحاجة نبوية) بطلة هذا المسلسل في دور(دودة القز).. و تذكر القصيدة التي كانت تغنيها له في صغره...
" يا حشيشه باتت في الثرى موضوعه... ادمنها الناس فاصبحت في اللبن مرضوعه"
زادت هذه الذكريات الجميله من رغبة رأفت في العمل و في هذه الأثناء تلقى خطابا من المخابرات المصريه جاء فيه:
"الصراحه راحه يا رأفت و أنت ما بتتجسسش..
الصراحه راحه يا رأفت يللا و ما تستهبلش.... افهم بقى يا روح خالتك"
( طبعا بذكاء رأفت الفطري علم أن هذه الرسالة من الجزار بسبب الجملة الأخيرة) وفورا أخرج رأفت الموس وترجم الرسالة. و كان معنها: "اتجسس بقى و كفايه أستعباط"
و بدون تردد... ضرب رأفت الحجرين و شد نفسين ثم شرب عدد 2 كوب عصير حركات باللبن بالاضافه الى عدد 24 حبه من حبوب الشجاعه و الأقدام... و ذهب على الفور الى( مركز شباب المعلومات الاستخباراتيه) و تسلل رأفت الى الداخل( عن طريق الباب الرئيسي)
و فجأه كشف أحد أعضاء المركز وجوده
العضو: انت مين يا روح طنط؟
فأيقن رأفت ان هذا العضو ليس هو الجزارلأنه قاله يا روح طنط مش يا روح خالتك.. فدبر خطه حلزونيه ماكره على الفور لاستدراج هذا العضو ليخبره المعلومات التي يريدها...
رأفت(عامل نفسه بيعيط): بصراحه يا بيه أمي بتموت و كان نفسها قبل ما تموت تعرف كل المعلومات العسكريه اللي نفسها فيها و كتاب القراءه يا بيه قوللي الهي ربنا ما يرقدلك جته...
العضو الاسرائيلي: خلاص ما تعيطش انا هقولك على كل حاجه اسرائيل عندها (1765 دبابة سابق و لاحق و 173 طياره ورق بريموت كنترول و21 رشاش ميه)بس متقولش لحد غير طنط
و بالفعل نجحت الخطه و خرج رأفت من المركز قائلا: هاهاها
و الى اقرب كابينة شمعون تل(ميناتل بس إسرائيلي) كلم الجزار و لكنه وجده في الحمام فقرر يقوله لما يرجع
ثم استقل رأفت الطائره المتجه الى القاهره و كانت برضه مصر للطيران(دلاله على و طنيته)
و لكن للأسف الشديد الطيارة البنزيم بتاعها خلص..
"البقاء لله و للجاسوس الرحمة و للأسرة خالص العزاء"
ترسل التعازي على العنوان التالي
https://tulipgp.forumotion.com/Time-Out-c2/Fun-f2/-p5199.htm#5199